У сістэму Міністэрства транспарту і камунікацый уваходзяць дзве ўстановы вышэйшай адукацыі, якія ажыццяўляюць падрыхтоўку спецыялістаў для транспартнага і будаўнічага комплексаў Рэспублікі Беларусь: «Беларускі дзяржаўны ўніверсітэт транспарту» і «Беларуская дзяржаўная акадэмія авіяцыі».
Падрыхтоўка спецыялістаў ажыццяўляецца па адукацыйных праграмах прафесійна-тэхнічнай, сярэдняй спецыяльнай, агульнай вышэйшай, спецыяльнай вышэйшай і паглыбленай вышэйшай адукацыі, а таксама па адукацыйных праграмах дадатковай адукацыі дарослых.
Установа адукацыі «Беларускі дзяржаўны ўніверсітэт транспарту» з'яўляецца найбуйнейшым адукацыйным і навукова-даследчым цэнтрам транспартнага і будаўнічага комплексаў Рэспублікі Беларусь. У склад установы адукацыі ўваходзяць 9 факультэтаў, Гомельскі каледж - філіял установы адукацыі «Беларускі дзяржаўны ўніверсітэт транспарту», Брэсцкі каледж – філіял установы адукацыі «Беларускі дзяржаўны ўніверсітэт транспарту», Аршанскі каледж – філіял установы адукацыі «Беларускі дзяржаўны ўніверсітэт транспарту» , Інстытут павышэння кваліфікацыі кіраўнікоў і спецыялістаў транспартнага комплексу, Навукова-даследчы інстытут чыгуначнага транспарту, Орган па сертыфікацыі чыгуначнай прадукцыі і паслуг, Выпрабавальны цэнтр чыгуначнага транспарту.
Установа адукацыі «Беларуская дзяржаўная акадэмія авіяцыі» з'яўляецца адзінай вышэйшай навучальнай установай Рэспублікі Беларусь, дзе ажыццяўляецца падрыхтоўка спецыялістаў грамадзянскай і дзяржаўнай (ваеннай) авіяцыі, а таксама перападрыхтоўка і павышэнне кваліфікацыі авіяцыйнага персаналу. У склад установы адукацыі ўваходзяць 2 факультэты і Інстытут павышэння кваліфікацыі і перападрыхтоўкі.
Падрабязная інфармацыя аб уступнай кампаніі размешчана ў раздзеле «Абітурыентам» сайта ўстановы адукацыі «Беларускі дзяржаўны ўніверсітэт транспарту» і на сайце прыёмнай камісіі ўстановы адукацыі «Беларуская дзяржаўная акадэмія авіяцыі».
