Міністр транспарту і камунікацый Аляксей Ляхновіч здзейсніў рабочы візіт у Віцебскую і Мінскую вобласці

19.06.2026

У Талачынскім раёне кіраўнік транспартнага ведамства сустрэўся з калектывам дарожна-эксплуатацыйнага ўпраўлення №8 РУП "Віцебскаўтадар" у рамках правядзення Адзінага дня інфармавання на тэму "Памяць у імя будучыні".

Размаўляючы з работнікамі дарожнай арганізацыі, Міністр нагадаў аб значнасці для нашай краіны даты 22 чэрвеня - Дня ўсенароднай памяці ахвяр Вялікай Айчыннай вайны і генацыду беларускага народа.

Сустрэча ў ДЭУ № 8 прайшла ў фармаце адкрытага дыялогу. Пытанні, агучаныя работнікамі, тычыліся пераважна дарожнай тэматыкі. Абмеркавалі ключавыя праекты рэканструкцыі аўтамабільных дарог, якія рэалізуюцца ў цяперашні час, планы па развіцці платных дарог і перспектывы развіцця сеткі зарадных станцый уздоўж асноўных магістраляў краіны.

Асобную ўвагу Міністр надаў пытанням гаспадарчай дзейнасці і сацыяльна-эканамічнага развіцця прадпрыемства: азнаёміўся з вытворчай базай дарожнага прадпрыемства, рамонтнымі майстэрнямі, наведаў дыспетчарскі пункт і пакой адпачынку работнікаў. На абслугоўванні ДЭУ № 8 знаходзяцца рэспубліканскія аўтамабільныя дарогі агульнай працягласцю каля 149 кіламетраў.

Асноўнай задачай філіяла РУП "Віцебскаўтадар" з'яўляецца забеспячэнне належнага эксплуатацыйнага стану замацаваных участкаў дарог, бяспека перамяшчэння па іх транспартных сродкаў.

Другі пункт у рабочай праграме Міністра - наведванне філіяла "Белдартэхніка" ААТ "Мінскі завод грамадзянскай авіяцыі №407".

Аляксей Ляхновіч праінспектаваў вытворчыя магутнасці цэхаў, азнаёміўся з выпускаемай прадпрыемствам прадукцыяй.