Урады Беларусі і Шры-Ланкі падпісалі пагадненне аб паветраных зносінах

13.05.2026

Падпісанне пагаднення адбылося ў Мінску. Подпіс пад дакументам паставілі Міністр транспарту і камунікацый Беларусі Аляксей Ляхновіч і Міністр замежных спраў, працаўладкавання за мяжой і турызму Шры-Ланкі Віджыт Херат.

Аляксей Ляхновіч:
"Мы паглядзелі, як спрацавала наша чартэрная праграма ў Шры-Ланку. Гэта была доўгачаканая праграма для беларускіх грамадзян. Загрузка рэйсаў склала больш за 87%. Наша авіякампанія сур'ёзна мае намер пасля падпісання пагаднення і яго ратыфікацыі прыступіць да выканання рэгулярных рэйсаў."

Віджыт Херат падкрэсліў, што ў Беларусі навучаецца шмат студэнтаў са Шры-Ланкі, стаіць мэта – павялічыць іх колькасць. Ён выказаў упэўненасць, што арганізацыя прамых рэйсаў паміж Беларуссю і Шры-Ланкой будзе спрыяць гэтаму працэсу. Акрамя таго, беларусы змогуць наведваць Шры-Ланку ў якасці турыстаў, таму арганізацыя прамога рэйса прынясе карысць абодвум краінам.