14.12.2024
Сустрэча Аляксея Ляхновіча з расійскім калегам Раманам Старавойтам адбылася сёння ў Маскве.
У прысутнасці віцэ-прэм'ера Расійскай Федэрацыі Віталя Савельева падпісаны шэраг найважнейшых дакументаў:
Падчас сустрэчы з Міністрам транспарту Расіі Раманам Старавойтам Аляксей Ляхновіч падзякаваў расійскім калегам за супрацоўніцтва і ўсебаковую падтрымку.
Як адзначыў кіраўнік Мінтранса Беларусі, перавозкі беларускага экспарту ў напрамку партоў Поўнач-Захад Расіі дынамічна развіваюцца. Планы на 2025 год - яшчэ больш амбіцыйныя. З расійскім бокам дасягнута дамоўленасць аб павелічэнні аб'ёмаў транспарціроўкі грузаў айчынных прадпрыемстваў у параўнанні з цяперашнім годам.
Аляксей Ляхновіч сказаў: "Высокі ўзровень беларуска-расійскіх адносін у год 25-годдзя Саюзнай дзяржавы ў чарговы раз паказвае імкненне нашых краін да аператыўнага і канструктыўнага вырашэння любых пытанняў".
"Пашырэнне супрацоўніцтва ў сферы развіцця транспартнага комплексу ўваходзіць у лік стратэгічных напрамкаў работы ўрадаў Расіі і Рэспублікі Беларусь. Сёлета мы адзначаем 25-годдзе з дня падпісання Дамовы аб стварэнні Саюзнай дзяржавы. Як адзначаюць кіраўнікі нашых дзяржаў Уладзімір Пуцін і Аляксандр Лукашэнка, эфектыўная сумесная работа дапамагае нашым дзяржавам паспяхова каардынаваць сваю работу, дынамічна развівацца і дамагацца значных эканамічных вынікаў", — адзначыў віцэ-прэм'ер Віталь Савельеў.
У 2024 годзе транспартны комплекс Саюзнай дзяржавы дасягнуў значных поспехаў. Паказчыкі перавысілі вынікі мінулага года. Прыярытэтам застаецца забеспячэнне транспартнага абслугоўвання насельніцтва, у тым ліку пражываючага на тэрыторыі прыгранічных абласцей дзвюх краін.
Вынікам сумеснай работы чыгуначнікаў стала аднаўленне зносін паміж Віцебскай і Смаленскай, а таксама Віцебскай і Пскоўскай абласцямі. З 1 лістапада запушчаны дадатковы цягнік "Ластаўка" па маршруце Масква – Мінск. Паветраны транспарт звязаў Мінск з Самарай, Ульянаўскам, Чалябінскам і Махачкалой, Брэст з Масквой, Гомель з Санкт-Пецярбургам.
