Беларусь і Узбекістан развіваюць супрацоўніцтва ў авіяцыйнай адукацыі

29.09.2026

Беларускую дзяржаўную акадэмію авіяцыі з афіцыйным візітам наведала дэлегацыя дыпламатычнай місіі Рэспублікі Узбекістан на чале з Надзвычайным і Паўнамоцным Паслом Нурыдзінам Мамажонавым.

Праграма візіту пачалася з азнаямленчай выставы матэрыяльна-тэхнічнай базы і дасягненняў акадэміі ў галіне навукі, спорту і культурна-дасугавай дзейнасці.

Ключавым этапам сталі перамовы з рэктарам БДАА Ігарам Яцкевічам. Да дыялогу ў анлайн-рэжыме далучыўся дэкан факультэта міжнародных адукацыйных праграм Ташкенцкага дзяржаўнага транспартнага ўніверсітэта Алімжон Рызыкулаў.

Бакі адзначылі станоўчую дынаміку двухбаковага партнёрства і паспяховую рэалізацыю сумесных адукацыйных праграм з ТГТУ. У Акадэміі авіяцыі праходзяць падрыхтоўку 26 грамадзян Узбекістана, 22 з якіх навучаюцца па сумеснай адукацыйнай праграме.

Таксама ўдзельнікі сустрэчы абмеркавалі перспектывы пашырэння супрацоўніцтва, уключаючы запуск новых праектаў і пытанні далейшага забеспячэння патрэб авіяцыйнай галіны Узбекістана ў высокакваліфікаваных спецыялістах.

Завяршыўся візіт сустрэчай пасла з курсантамі з Узбекістана, якія праходзяць навучанне ў акадэміі.