У Мінтрансе адбылася сустрэча з экспертнай групай ІКАО

28.09.2026

Экспертная група Міжнароднай арганізацыі грамадзянскай авіяцыі (ІКАО) знаходзіцца з візітам у Беларусі.

Мэта рабочай паездкі - праверка сістэмы абароны грамадзянскай авіяцыі ад актаў незаконнага ўмяшання.
Гэта ўжо другі аўдыт ІКАО ў бягучым годзе: у лютым 2026 года наша краіна паспяхова прайшла праверку ў галіне бяспекі палётаў.

Міністр транспарту і камунікацый Аляксей Ляхновіч адзначыў, што Беларусь пастаянна імкнецца да збалансаванага падыходу ва ўпраўленні грамадзянскай авіяцыяй для забеспячэння яе бяспекі і эфектыўнасці:
"Галоўным прыярытэтам для нас застаецца ўкараненне стандартаў ІКАО ў нацыянальнае заканадаўства. За апошні час на аснове дакументаў арганізацыі быў перапрацаваны цэлы шэраг авіяцыйных правілаў."

Ён таксама дадаў, што Беларусь выступае за аб'ектыўны і канструктыўны аўдыт. Краіна гатовая разгледзець любыя прапановы і рэкамендацыі, якія дапамогуць удасканаліць нацыянальную сістэму абароны грамадзянскай авіяцыі ад незаконнага ўмяшання.