Якасць сэрвісу + зручная лагістыка. Першы скразны грузавы цягнік "Славянскі караван" адправіўся з Беларусі ва Узбекістан

30.07.2026

Цягнік пройдзе па маршруце Беларусь – Расія – Казахстан – Узбекістан. Груз – прадукцыя дрэваапрацоўкі і харчовыя тавары.

Першапачаткова склад будзе курсіраваць двойчы ў месяц. Кансалідацыя вагонаў ажыццяўляецца на станцыі Орша-Усходняя. У далейшым наменклатуру грузаў плануецца пашырыць, уключыць у склад кантэйнеры.

Начальнік БЧ Валерый Вярэніч:
"Грузы і раней хадзілі па маршруце Беларусь - Узбекістан, але цяпер укаранёны больш якасны сэрвіс. Склад без расфармавання і дадатковых прыпынкаў пройдзе па тэрыторыі Расіі, Казахстана і прыбудзе ва Узбекістан. Гэта дазволіць скараціць тэрмін дастаўкі практычна ўдвая. Важна, што ў склад могуць быць уключаны адзінкавыя кантэйнеры на 20 тон. Невялікім прадпрыемствам не прыйдзецца назапашваць груз на вагон умяшчальнасцю 60 тон, можна будзе адпраўляць яго невялікімі партыямі".

У ліку пераваг "Славянскага каравана" - кошт і тэрміны дастаўкі грузаў. Праект рэалізуецца ў развіццё прынятых на высокім узроўні рашэнняў па нарошчванні паставак на ўзбекскі рынак беларускай прадукцыі.