Аляксандр Лукашэнка 4 чэрвеня 2026 года падпісаў Указ № 180 "Аб мерах па развіцці міжнародных аўтамабільных перавозак грузаў"

04.06.2026

Дакумент прадугледжвае падаўжэнне тэрміну дзеяння Указа ад 17 красавіка 2025 г. № 155 і вызваленне ад выплаты ўтылізацыйнага збору ў 2026 годзе новых (не больш за 3 гады з даты выпуску) грузавых аўтамабіляў экалагічнага класа 5 і вышэй, прычэпаў і паўпрычэпаў, якія ўвозяцца ў Беларусь.

Указ накіраваны на стварэнне дадатковых умоў для абнаўлення беларускімі аўтаперавозчыкамі парку транспартных сродкаў, канкурэнтаздольных на міжнародным рынку.

Прапанаваныя прэферэнцыі дазволяць павялічыць экспарт транспартных паслуг і будуць спрыяць развіццю экспартна арыентаванага сегмента эканомікі краіны.

Указ № 180 уступае ў сілу пасля яго афіцыйнага апублікавання.