Міністэрства транспарту і камунікацый Рэспублікі Беларусь

Ад імя Міністэрства транспарту і камунікацый Рэспублікі Беларусь і ад сябе асабіста сардэчна віншую вас з Днём Перамогі!

Ідуць гады. Усё больш часу аддзяляе нас ад мая 1945-га, але свяшчэнная для кожнага беларуса памяць аб падзеях самай кровапралітнай вайны дваццатага стагоддзя жывая. І будзе жыць у нашых сэрцах заўсёды.

Мiр заваяваны цаной неверагоднай мужнасці, велізарных страт і найцяжэйшых выпрабаванняў. Беларускі народ выстаяў у імя дабра і справядлівасці. Тысячы абеліскаў і пахаванняў на тэрыторыі краіны – даніна памяці загінуўшым у жорсткіх баях воінам, знішчаным фашысцкімі акупантамі мірным жыхарам. Крывёю прасякнуты кожны сантыметр беларускай зямлі. Гэта наша агульная памяць і агульная боль.

Вялікая Перамога кавалася адзінствам фронту і тылу. Гераізм і самаадданая праца транспартнікаў Беларусі варта глыбокай павагі. У вельмі цяжкіх умовах чыгуначнікі і аўтамабілісты аператыўна вырашалі вельмі складаныя задачы па перавозках людзей, тэхнікі і харчавання, што вызначыла зыход многіх бітваў Вялікай Айчыннай вайны. Неацэнны ўклад дарожнікаў у аднаўленне аўтамабільнай інфраструктуры краіны ў пасляваенны час.

Мы ў неаплатным абавязку перад пакаленнем пераможцаў. Мы павінны свята шанаваць памяць аб яго бессмяротным подзвігу, сваёй штодзённай працай будаваць шчаслівую будучыню ў нашым агульным доме - роднай Беларусі.

Няхай гэтае светлае свята напаўняе нас радасцю, гонарам за сваю краіну і свой народ, надае сілы, натхняе на вялікія справы. Ад усёй душы жадаю вам, вашым родным і блізкім моцнага здароўя, сямейнага дабрабыту, чыстага і мірнага неба над галавой!

Са святам! З Днём Перамогі!