Падрыхтоўку рэспубліканскіх аўтамабільных дарог Беларусі да летняга сезона дарожнікі плануюць завяршыць да 9 мая

23.03.2026

Асноўная задача прадпрыемстваў рэспубліканскіх аўтадарог - навядзенне парадку на абслугоўваемай дарожнай сетцы.

У мэтах забеспячэння бяспекі дарожнага руху безумоўным прыярытэтам з'яўляецца рамонт пакрыцця. Усяго з пачатку года на рэспубліканскай сетцы дарог ліквідавана каля 60 тыс. кв. метраў сезоннай ямачнасці.

Вялікая работа праводзіцца па ўборцы смецця ў паласе адводу, прывядзенню ў парадак (ачыстка, мыйка і афарбоўка) элементаў уладкавання: аўтобусных прыпынкаў, пляцовак адпачынку, дарожных знакаў, мастоў і пуцеправодаў.

Так, па дадзеных дзяжурна-дыспетчарскай службы РУП "Мінскаўтадар-цэнтр" па стане на 23 сакавіка:

афарбавана 3 км бар'ерных і 1 км пярыльных агародж, 1694 стойкі дарожных знакаў
замененыя 1226 дарожных знакаў і ўсталяваныя (афарбаваныя) 12 тыс. 686 сігнальных слупкоў
ачышчаны ад рэшткаў супрацьгалалёдных матэрыялаў канструкцыі 782 мастоў
праведзена прафіляванне 3 тыс. 369 км абочын, грэйдзіраванне 46 км гравійных і шчэбеневых пакрыццяў
ачышчана ад смецця 6 тыс. 206 км палос адводу
прыведзены ў парадак 206 аўтапавільёнаў
адрамантаваны і ўстаноўлены 156 лавак, 30 смеццязборнікаў

Кантроль за ходам падрыхтоўкі рэспубліканскіх дарог да летняга сезона і якасцю выконваемых работ ажыццяўляе РУП "Белдарцэнтр".