Расійская авіякампанія Red Wings запускае прамыя рэйсы ў Мінск з Масквы і Пермі

19.03.2026

З 9 красавіка стартуе палётная праграма па маршруце Перм – Мінск (працягнецца яна да канца верасня). Рэйсы будуць выконвацца двойчы на тыдзень. Час у шляху складзе 3 гадзіны 5 хвілін, у зваротным кірунку – 2 гадзіны 45 хвілін.

З 30 красавіка будуць выконвацца рэйсы з Масквы ў сталіцу Беларусі. Працягласць палёту 1 гадзіна 40 хвілін, у зваротным кірунку – 1 гадзіна 30 хвілін.

Адкрыццё новага маршруту пашырыць транспартную даступнасць Беларусі для жыхароў Пермскага краю і суседніх рэгіёнаў, створыць дадатковыя магчымасці для дзелавых і турыстычных паездак, адзначылі ў авіякампаніі.