У Беларусі на аўтамабільных дарогах дзейнічаюць 423 АЗС і 48 гасцініц. Перспектывы развіцця прыдарожнага сэрвісу абмеркавалі на прэс-канферэнцыі ў Мінску

19.03.2026

Уздоўж рэспубліканскіх і мясцовых дарог таксама працуюць 45 аўтамыек, 20 матэляў і кемпінгаў, 607 гандлёвых кропак і 78 станцый тэхнічнага абслугоўвання. Прымаюць наведвальнікаў звыш 580 пунктаў харчавання.

Намеснік начальніка галоўнага ўпраўлення аўтамабільных дарог Мінтранса Сяргей Лявончык:

"Актуальныя пытанні прыдарожнага сэрвісу знайшлі адлюстраванне ў праграме сацыяльна-эканамічнага развіцця на бліжэйшую пяцігодку. Задача - сумесна з бізнесам стварыць камфортныя і бяспечныя ўмовы для карыстальнікаў дарог. Мінтранс каардынуе ў гэтым кірунку дзейнасць органаў дзяржаўнага кіравання, індывідуальных прадпрымальнікаў і юрыдычных асоб".

У Беларусі абноўлена Генеральная схема развіцця прыдарожнага сэрвісу. Яна ўключае дзеючыя аб'екты, будуемыя, праектуемыя і прапанаваныя для будаўніцтва пляцоўкі. Акцэнт - на павышэнне якасці сэрвісу.