Беларусь і Узбекістан маюць намер пашыраць супрацоўніцтва ў сферы грамадзянскай авіяцыі

04.03.2026

У транспартным ведамстве адбылася сустрэча Міністра транспарту і камунікацый Аляксея Ляхновіча з Надзвычайным і Паўнамоцным Паслом Узбекістана ў Беларусі Рахматулай Назаравым.

Ключавым пытаннем парадку дня стала абмеркаванне магчымасці павелічэння частаты палётаў на паветраных маршрутах для нарошчвання турыстычнага патэнцыялу і ўмацавання дзелавых сувязяў паміж краінамі.

У час перагавораў бакі чарговы раз пацвердзілі дружалюбны характар адносін, прыхільнасць канструктыўнаму ўзаемадзеянню Беларусі і Узбекістана ў галіне транспарту.