Міністэрства транспарту і камунікацый Рэспублікі Беларусь

Доступ да лічбавай сістэме дазволаў ЕКМТ можна атрымаць праз вэб-партал і мабільную праграму. Інтэрфейс лічбавай сістэмы ЕКМТ пераведзены на рускую мову.

Дазвол ЕКМТ з 01.01.2026 павіннен знаходзіцца на грузавым транспартным сродку ў лічбавай форме (на мабільнай прыладзе кіроўцы) альбо ў выглядзе раздрукоўкі інфармацыйнага дакумента, сфармаванага сістэмай.

Звесткі аб паездках з выкарыстаннем дазволаў ЕКМТ уносяцца мэнэджэрам або кіроўцам перавозчыка непасрэдна ў сістэму лічбавых дазволаў ЕКМТ. Пры гэтым кіроўца павінен мець магчымасць прад'явіць кантралюючым органам звесткі лічбавага бартавога часопіса аб апошніх дзесяці паездках на экране мабільнай прылады або ў раздрукаваным выглядзе.

З 01.01.2026 уступае ў сілу абноўленая рэдакцыя Кіраўніцтва карыстальніка шматбаковай квотай ЕКМТ, даступная на сайце МТФ на англійскай мове па спасылцы.

У адпаведнасці з Кіраўніцтвам карыстальніка шматбаковай квотай ЕКМТ 2026 г. у выпадку выканання рэйса дазвол ЕКМТ павіннен знаходзіцца на борце транспартнага сродку паміж пунктамі пагрузкі (як толькі транспартны сродак загружаны) і разгрузкі (калі транспартны сродак разгружаны) для паездкі з грузам або парожняй паездкі, якая папярэднічае або iдзе за гружанай паездкай.

Кантралюючыя органы ў лічбавай сістэме дазволаў ЕКМТ адлюстроўваюць інфармацыю аб выніках кантролю ў электронным выглядзе.

У Рэспубліцы Беларусь кантроль за выкарыстаннем дазволаў ЕКМТ ажыццяўляюць мытныя органы (у аўтадарожных пунктах пропуску праз дзяржаўную мяжу Рэспублікі Беларусь) і транспартная інспекцыя (на тэрыторыі Рэспублікі Беларусь).

У рамках праводзімай работы па ўкараненні з 01.01.2026 лічбавай сістэмы дазволаў ЕКМТ прынята пастанова Міністэрства транспарту і камунікацый Рэспублікі Беларусь ад 10 кастрычніка 2025 г. № 80 "Аб парадку размеркавання, выдачы і выкарыстання дазволаў".