З 1 лістапада ў гарадскіх маршрутных таксі ўводзіцца безнаяўная аплата праезду

30.10.2025

У МПЗ растлумачылі нюансы выкарыстання плацежных тэрміналаў.

У заканадаўстве (пастанова Саўміна і Нацбанка Беларусі ад 6 ліпеня 2011 года №924/16 "Аб выкарыстанні касавага і іншага абсталявання пры прыёме сродкаў плацяжу") прапісаны паняцці картачны плацежны тэрмінал і плацежны тэрмінал. Абавязак іх выкарыстоўваць тычыцца юрыдычных асоб і індывідуальных прадпрымальнікаў, якія выконваюць гарадскія аўтамабільныя перавозкі пасажыраў у рэгулярных зносінах аўтобусамі катэгорыі М2 (маршрутныя таксі).

Картачны плацежны тэрмінал - прылада, якая дазваляе прымаць плацяжы выключна з выкарыстаннем банкаўскіх картак. Плацежны тэрмінал - больш шырокае паняцце, якое мае на ўвазе магчымасць прымаць плацяжы не толькі з выкарыстаннем карт, але і любых з іншых плацежных інструментаў (напрыклад, QR-кода).

"Такім чынам, выкарыстанне аднаго (або некалькіх) плацежных сэрвісаў, напрыклад, E-POS, "Аплаці", SmartPay, Cashew, прызнаецца выкарыстаннем плацёжнага тэрмінала. Для падключэння суб'екта гаспадарання неабходна заключыць дамову з уладальнікам абранага ім электроннага плацежнага сэрвісу", – праінфармавалі ў МПЗ.

Калі картачны плацежны тэрмінал не набываўся, то для выканання патрабаванняў заканадаўства можна выкарыстоўваць любы зручны электронны плацежны сэрвіс, які забяспечвае магчымасць безнаяўнай аплаты, паведамілі ў МПЗ.