У Беларусі зацверджана канцэпцыя развіцця сістэмы платных аўтамабільных дарог

28.12.2024

Гэта прадугледжана пастановай Савета Міністраў ад 20 снежня 2024 года №991.

Мэтавымі арыенцірамі развіцця сістэмы платных аўтадарог з'яўляюцца: павелічэнне паступленняў у рэспубліканскі дарожны фонд ад платы за праезд па платных дарогах, павышэнне якасці дарог і забеспячэнне бяспекі дарожнага руху, рост эфектыўнасці выкарыстання магчымасцяў спагнання платы за праезд.

Мэта канцэпцыі - вызначэнне перспектыўных напрамкаў развіцця сістэмы платных аўтадарог.

Задачы, якія дапамогуць павысіць эфектыўнасць спагнання платы за праезд:

вызначэнне міжнародных транспартных калідораў,
удасканаленне заканадаўства (выключэнне платы за праезд па разавым тарыфе ў некаторых выпадках)
замацаванне патрабавання да экспартных, імпартных і транзітных перавозак па адпаведных міжнародных маршрутах і інш.

Павышэнне эксплуатацыйнай прывабнасці платных аўтадарог прадугледжвае рэалізацыю павышаных мер па забеспячэнні бяспекі дарожнага руху, добраўпарадкаванне пешаходных пераходаў і адсутнасць сезонных абмежаванняў па нагрузках.

Рэалізацыя канцэпцыі ўскладзена на рэспубліканскія органы дзяржкіравання, падпарадкаваныя ўраду арганізацыі, а таксама на мясцовыя органы ўлады. Мінтрансам будзе зацверджаны план мерапрыемстваў па рэалізацыі канцэпцыі на 2025 год.

Пастанова набывае моц пасля афіцыйнага апублікавання на Нацыянальным прававым інтэрнэт-партале.