21.11.2024
На палях форуму намеснік міністра транспарту і камунікацый Беларусі Сяргей Дубіна і статс-сакратар – намеснік міністра транспарту Расіі Дзмітрый Звераў зацвердзілі Парадак інфармавання аб пагрозах здзяйснення і аб здзяйсненні актаў незаконнага ўмяшання ў дзейнасць аб'ектаў транспартнай інфраструктуры дзвюх краін, а таксама транспартных сродкаў, якія выкарыстоўваюцца для міжнародных і кабатажных аўтамабільных перавозак грузаў.
Беларускі навукова-даследчы інстытут транспарту "Транстэхніка" і Навукова-даследчы інстытут аўтамабільнага транспарту (РФ) падпісалі пагадненне аб супрацоўніцтве. Дакумент прадугледжвае правядзенне сумесных навуковых даследаванняў, абмен вопытам у галіне выкарыстання інавацый у транспартнай дзейнасці, забеспячэння якасці і даступнасці транспартных паслуг, збалансаванага развіцця розных відаў транспарту і транспартна-лагістычнай інфраструктуры.
Важную частку дзелавой праграмы форуму "Транспарт Расіі" занялі пытанні міжнароднага парадку дня, у ліку якіх развіццё стратэгічнага партнёрства і інтэграцыя нацыянальных транспартных сістэм у агульную сетку Садружнасці.
Адбыліся пленарная дыскусія на тэму "Транспартнае супрацоўніцтва "СНД плюс": узаемазвязанасць, устойлівасць, эфектыўнасць", пасяджэнне Каардынацыйнай транспартнай нарады СНД, а таксама пасяджэнне Савета кіраўнікоў упаўнаважаных органаў у вобласці транспарту ЕАЭС.
"Транспарт Расіі" - найважнейшае галіновае мерапрыемства, якое праходзіць з 19 па 21 лістапада ў маскоўскім Гасціным двары.
