12.09.2024
Дзяржаўны сакратар Саюзнай дзяржавы Дзмітрый Мезенцаў паведаміў: "Для выканання даручэння Прэзідэнта Беларусі будзем дамагацца выхаду на іншы ўзровень пасажырскіх перавозак. Мы ўдзячныя за водгук кіраўніцтва Мінтранса Беларусі і БЧ на нашу прапанову па павелічэнні колькасці вагонаў у складзе фірмовага цягніка "Беларусь" на маршруце Мінск - Масква, гэта толькі першыя крокі".
Па ягоных словах, дасягнутая папярэдняя дамоўленасць з ААТ "Расійскія чыгункі" аб уводзе ў эксплуатацыю адной дадатковай дзённай пары цягнікоў "Ластаўка" з 1 лістапада 2024 года.
"Ва ўмовах нарастальнага пасажырапатоку гэтых мер будзе недастаткова. Таму ў бліжэйшы час у Маскве адбудзецца сустрэча кіраўнікоў РЧ і БЧ - Алега Белазёрава і Валерыя Вярэніча. Прапрацоўваюцца перспектывы па больш шырокаму выкарыстанню вагоннага парку, яго абнаўленню ў рамках лізінгавых інструментаў", - адзначыў дзяржсакратар Саюзнай дзяржавы.
Гаворачы аб планах па будаўніцтве высакахуткаснай магістралі паміж Масквой і Мінскам, Дзмітрый Мезенцаў праінфармаваў: "Плануецца, што працягласць ВСМ Масква - Мінск (умоўная назва "Саюз") складзе 715 км. Цягнікі будуць развіваць хуткасць да 400 км/г. Запатрабуецца 21 высакахуткасны цягнік. Пасажырапаток чакаецца на ўзроўні 3,8 млн чалавек у год (цяпер 1,1 млн). Час у шляху складзе 3 гадзіны (цяпер мінімум 7 гадзін)".
