28.08.2024
Юбілейны мільённы кантэйнер даставіць у Кітай малочную прадукцыю ААТ "Бабушкина крынка".
Летась гэты аб'ём перавозкі быў дасягнуты на беларускай магістралі ў снежні. Неабходна адзначыць, што экспартна-імпартныя перавозкі займаюць больш як 60% ад агульнага аб'ёму перавозак БЧ.
Рост кантэйнерных перавозак стаў магчымым дзякуючы сумеснай рабоце чыгуначнай адміністрацыі з грузаўладальнікамі, міністэрствамі і ведамствамі рэспублікі па выбудоўванні новых лагістычных маршрутаў і пераарыентацыі грузапатокаў ва ўмовах змянення рынкаў збыту.
БЧ прымае неабходныя меры па стварэнню ўстойлівых гандлёвых сувязей пры пастаўках тавараў у Расію, краіны Азіі і Кітай як па сухапутных маршрутах, так і з задзейнічаннем партовай інфраструктуры.
На Беларускай чыгунцы створаны ўмовы для развіцця перавозак у рамках міжнароднага транспартнага калідора "Поўнач–Поўдзень", які з'яўляецца ключавым элементам транспартнага каркаса Еўразіі і стыкуецца з большасцю транспартных калідораў, якія выкарыстоўваюцца для міжнародных перавозак грузаў у еўраазіяцкіх зносінах, забяспечваючы найкарацейшыя адлегласці грузаў паміж краінамі ЕАЭС і Паўднёвай Азіяй, Усходняй Афрыкай і Блізкім Усходам.
З мэтай прасоўвання беларускай прадукцыі на знешнія рынкі збыту Беларуская чыгунка аказвае паслугі па дастаўцы экспартных грузаў айчынных прадпрыемстваў у Азербайджан, Узбекістан, Індыю, Іран і краіны "далёкай дугі".
