07.10.2022
Міністэрства транспарту і камунікацый Рэспублікі Беларусь інфармуе, што з 10 кастрычніка 2022 года для аўтамабільнага перавозчыка, зарэгістраванага ў дзяржавах – членах Еўрапейскага Саюза, прадастаўляецца магчымасць афармлення ў транспартнай інспекцыі дазволу на міжнародную перавозку грузаў аўтамабільным транспартам па тэрыторыі Рэспублікі Беларусь.
Для гэтага перавозчыку неабходна:
спампаваць, запоўніць і накіраваць у транспартную інспекцыю заяву па электроннай пошце;
аўтарызавацца ў асабістым кабінеце ў аўтаматызаванай сістэме «Дазвол» з дапамогай лагіна і пароля, высланага транспартнай інспекцыяй;
аформіць у аўтаматызаванай сістэме рахунак-фактуру на колькасць заяўленых да афармлення дазволаў і аплаціць заказ па ўказаных рэквізітах. Кошт афармлення такога дазволу транспартнай інспекцыяй складае 15 базавых велічынь (480 беларускіх рублёў па стане на 07.10.2022);
звярнуцца за афармленнем дазволаў у адно са структурных падраздзяленняў філіялаў Транспартнай інспекцыі ў г. Мінску і абласных гарадах.
З поўным парадкам дзеянняў аўтамабільнага перавозчыка Еўрапейскага саюза або яго прадстаўніка, які дзейнічае на падставе даверанасці, па афармленні ў транспартнай інспекцыі дазволаў на міжнародную перавозку грузаў аўтамабільным транспартам па тэрыторыі Рэспублікі Беларусь можна азнаёміцца па спасылках.
Звяртаем увагу аўтамабільных перавозчыкаў, якія плануюць афармляць названыя дазволы, на неабходнасць няўхільнага выканання нормаў пастановы Савета Міністраў Рэспублікі Беларусь ад 22 красавіка 2022 г. № 247 «Аб перамяшчэнні транспартных сродкаў».
