Telegram-каналМінтранс Беларусі
Telegram-канал
02.10.2026
Траса М-3 Мінск – Віцебск – важная частка найкарацейшага сухапутнага маршруту ў Ленінградскую вобласць, да расійскіх марскіх партоў, уключаючы адзін з найбуйнейшых у Еўропе – "Усць-Луга". Цяпер на 73-м кіламетры яна "апранаецца" ў бетон з дапамогай сучаснага мабільнага ўкладчыка.
Побач з трасай працуюць два мабільныя заводы. Лабараторыя кантралюе кожны замес – як на выпуску бетоннай сумесі, так і на месцы кладкі – па ўсёй трасе. Самазвалы скідаюць бетон перад агрэгатам. Частка матэрыялу размяркоўваецца па ўсёй шырыні дарожнай паласы, частку пагрузчык закідвае на істужачны канвеер для другога пласта.
Кіраўнік праектаў ААТ "Дарожна-будаўнічы трэст №5" холдынгу "Белаўтадар" Раман Кулінковіч адзначыў:
"За кошт таго, што машыны агрэгата ідуць адзін за адным, атрымліваецца надзейная маналітная канструкцыя. Таўшчыня двух слаёў бетону ў суме дае 24 см (18+6 см). І гэта, не лічачы ўжо выкладзенай "падушкі" з пяску, каменя, худога бетону, выраўноўваючай і ўтрымліваючай праслойкі асфальту. А ў той час аўтаматычная рука "запрасоўвае" толькі што выкладзенае пакрыццё. Наступны блок машын укладчыкаў наносіць на ім жорсткай шчоткай тэкстуру. Гэты важны штрых бетонкі неабходны для счаплення колаў аўтамабіля і дарогі".
Выбар паміж бетонам і асфальтам павінен грунтавацца не толькі на тэхнічных характарыстыках, але і на канкрэтных умовах эксплуатацыі, кліматычных асаблівасцях рэгіёну і эканамічных магчымасцях. Падрабязней - у матэрыяле БЕЛТА.
Фота: БЕЛТА
