Пілотны праект абароны дарог ад дзікіх жывёл на трасе М-10: як гэта працуе?

11.08.2026

На трасе М-6 Мінск – Гродна плануецца ўкараніць новую сістэму абароны ад дзікіх жывёл. Пілотны праект ужо каля двух гадоў эксплуатуецца на трасе М-10 мяжа РФ – Гомель – Кобрын.

Пра гэта ў праекце БЕЛТА "Краіна гаворыць" распавёў начальнік галіновай дарожнай лабараторыі Беларускага дарожнага навукова-даследчага інстытута "БелдарНДI" Сяргей Кабак.

Што ўяўляе сабой сістэма:
▪️датчыкі руху ўстаноўлены ў праёме сеткі, калі жывёла набліжаецца да праезнай часткі, сігнал паступае на дарожны знак зменнай інфармацыі, і ён пачынае свяціцца, прыцягваючы ўвагу кіроўцаў
▪️на падыходах да пераходу зробленыя палосы з буйнога друзу - гэта стварае дыскамфорт капытным жывёлам, каб ім не хацелася пераскочыць праз гэтую павярхоўную апрацоўку
▪️усталявана асвятленне, якое адначасова падсвятляе мясцовасць і адпуджвае жывёл ад уваходу ў асветленую прастору

Акрамя таго, на ўчастку М-6 будуць прымяняцца так званыя тэхаскія вароты. Гэтая канструкцыя вырашае праблему прымыканняў і перасячэнняў, дзе эфектыўнасць звычайных сетак ніжэй: спецыяльная пласціна стварае для жывёлы дыскамфорт, і яна разгортваецца назад.

Таксама канцы сетак будуць абсталяваны спецыяльнымі аднабаковымі клапанамі. Гэта дазволіць прадухіліць сітуацыі, калі жывёла, дайшоўшы да канца агароджы, выходзіць на дарогу. Клапан дасць магчымасць зверу сысці ў лес, але не зайсці адтуль на трасу.